فضفضه

السلام عليكم جميعا

وكل عام وانتو بخيير

انا موضوعي بأقسمه لأكثر من قسم ..


اول قسم ..


( المقاهي )


اول ماتدخل .. تلقى سكيوريتي قزم ولابس كاب حق اخوه الصغير .. وبكل قوة وجه .. يسألك كم عمرك ؟
اقل من 18 .. اطلع برا .. اكبر من 18 ادخل


تدخل تلقى كل اللي في المقهى .. مبزره !!


ولا تلقى لك 60 بدوي في جلسه 3x3 ويلعبون بلوت .. وكلهم من جنبها !!


وانووااااع الازعاااج .. مره جالس في بيتنا واسمع شباب يتطاقون في مقهى << قويه صح هههههه


ليش كل جلسه فيها تلفزيووون وكل واحد رافع الصوت ؟ قسم بالله تطلع من المقهى .. توصل للبيت تتكلم مع اهلك بلغة الاشاره


ما اقول الا الله لايبلانا بس ..


هذي بعض من المواقف اللي تشوفها في المقاهي وماخفي كان اعظم خخخخخخ



( الاستراحات ) او ( الشـقق ) !


تدخل .. لااااازم تلقى في الغرفه 34 صروال .. و14 فنيله علاق .. و 19 لي شيشه ؟؟


واللي قاطين في الاستراحه .. خمسه !!!


نفس الشي لعب بلوت + انترنت


طبعا فيه لعبه طايحين فيها الخلق من تالي .. اللي هي ( ترافيان )


واحد اعرفه في الاستراحه بايع قريته بـ 1800 ريال ؟؟؟؟؟؟؟

مره جالس اسمع اثنين من الشباب يسولفون .. واحد منهم يقول انا عندي 5000 جندي وعندي بطل .. وفاتح خمس قرى


انا قلت كفوو .. مابقى الا فلسطين !!

صار ابو الشباب يتلكم عن قريته !! .. والثاني يرد عليه يقوول باااااس .. انا عندي 15 قريه


انا اقول في نفسي والله اني زلااااابه .. الحين هالعالم عندهم قرى ومدهرييييين بالجنوود .. وانا جالس كذا ؟


ومييير اني افتح قريه .. ومن اول اسبوع اهل القريه مسوين مظاهرات ! هههههه

قلت مالك ومال وجع الراااس .. خلك في الهلال والدوام وبس


طبعا احيانا تكون فيه مباريااات الدوري الاوروبي

عندنا في الاستراحه كل واحد يشجع فريق غير الثاني << ترا عباطه بس ههههههه


وخذ لك صيآآح على بعض .. وبالاخير .. كل واحد مايعرف وش اسم الحارس حق فريقه ههههههههه

( الطلعـات ) او ( السفـرياات )

بعض الشباب يعشق السفر .. لدرجة انه يتسلف عشان يسافر !!

يروح درجه اولى .. ويرجع مع العفش هههههه

تصدقون مره وانا ماسك خط الشرقيه .. لقيت سيارتين موقفه .. ويتطاقون ؟ .. قلت يلعن ام جوهم ؟؟؟ طقاق في خط سريع ؟؟

واوقف وكان معي اثنين من العيال .. لأني لو كنت لحالي ماوقفت .. يكفيني طق في حياتي ههههههه

آخر شي صاروا اخويا كل السيارتين .. طفشانين ويبون يسوون اكشن !!!

المهم مالكم في الطويله

بعض الشباب اذا سافر برا المملكه .. يجلس يسولف عن رحلته واحداثها لمدة شهر وعشرين يوم قدام !!

وآخر شي يقول : بس اللي مخرب روحتي خويي ؟؟؟ هههههههههه وتلقى خويه ناتقه من وراه عند شخصن آخر !!

ليه ماتختار واحد انت ضامنه ؟ تراها سفره .. يعني سعة صدر ووناسه ..

( الزوآآج )


مشروع لازم تدرسه دراسه مكثفه .. واحتمال تحتاج استشاري فيه !!

ماعمري سمعت واحد يقول اني مرتاح اني تزوجت !! مدري هم يستهبلووون عشان ماينظلوون ولا وش السالفه ؟

الحين نااادر احد يتزوج .. بدون ماياخذ قرض من البنك .. يعني بمعنى اصح .. يقسط زوجته هههههههه

والله حاله .. كل واحد صار يتفااخر انه عطى زوجته اكثر من غيره ؟؟ والضحيه : الشباب اللي على قد حالهم !

معليش .. يعني ممكن احط بالكثيييير 50 الف .. بس اكثر !! اشتري لي سياره واكد فيها اصرف لي ههههههههه

معليش بأشطح بموضوع .. فيه موقع للبنات يدخلونه ويشوفون آخر الحركات الرومانسيه اللي تسويها لزوجها !!

ماتدري ان السعوديين نااادر يطلع فيهم واحد رومانسي مثلي يعني ههههههههه .. والله اعرف واحد كاسر يد زوجته

بسبة هالحركات الرومانسيه اللي يكتوبنها في المواقع ! .. داخله في كرتون ومدري ايييش ومزعها ابوالشبااب وكسر

يدها !! ههههههههههههههههه


( المطــآعم )


ههههههههه عاد هنا حدث ولاحرج

داااخل ابوالشباااب .. انا اللي اتيكيييييت وخرو عني

يطلب بالانجليزي .. يرد عليه الفلبيني .. يتوهق ويقلب عربي هههههههههه

طيب ليش ماتتكلم عربي من الاول .. لازم يزبد لك يعني !!

جلس على الطاوله .. الشوكه والسكين قدامه .. يناظرهم ومايدري .. يقلبها في راسه !! استخدمهم ولا لا ؟؟

يصير اتيكيت مرتن اخرى .. يجلس يقطع في الاكل .. كنه بنقالي نصاب يشتغل قصاب يوم العيد .. !

ولا تشوف واحد هو وزوجته .. وانواااع التميلح على بعض ههههههههههه .. انا ودي تشوفه وهو ياكل مع اخوياه ههههههه

ما اقول الا يااازيييين اكل البيت وبس .. الله لايردنا لهالمطاعم بس !




( النهــايه ) ..