من أنتم ؟

موضوع: من أنتم ؟ 2010-04-28, 10:47 pm

من انتم؟

ما هو إلا سؤال أردت أن اطرحه عليكم إلا لغرض ما ألا وهو معرفة ماذا نفعل فى هذه الدنيا ؟

ماذا نفعل فى هذه الحياة؟

ماذا ننوى ان نفعل ؟ ما هي علاقتنا بالخالق؟

عجبا لنا ماذا نريد؟

من الأخر من يومين مثلا كنت بتكلم مع واحد كدة لقيته محبط مخنوق من الدنيا شاب زى كل الشباب بيدرس فى الجامعة وبعدين يرجع ينام شوية ويصحى يلف شوية ويحب شوية ويتفرج شوية ويضحك على نفسه ويعمل بيذاكر شوية لغاية ما حس ان معدش فى حياته غير شوية يعيشهم

قاعدين على البحر الجو جميل وهادى سألته انت مالك فى إيه شكلك متغير معنتش بتاع زمان مش شايلها هم انت الوقتي عبارة عن جبل من الهم والحزن والكآبة متجسد في صورة صاحبي

يا عم مالك انت عايز إيه اخلص جبتلى العقد وضحكت وبادلنى بابتسامة خفيفة هادئة تدل ايضا على الهم والتعب من الدنيا وقال لي (أنا تعبان من الدنيا بنت ال.....دي أنا مش عايز اشوف ناس)كلمته بسرعة وقلت(إيه يا عم فيه إيه استغفر ربنا واهدي كدة وقول مالك)استنتجت من كلامه انه عايش على ما تفرج مبيشتغلش حاجة خالص بحجة الدراسة ودي حجة التافهين اللى عمرهم ما هيبقوا حاجة أبدا في حياتهم كل عظماء العالم لو جينا ندور فى تاريخهم وحياتهم هانلائيهم كان عندهم هدف ماشين عليه بس فى نفس الوقت بيعملوا لان العمل عبادة ما علينا دى قضية تانية بس هوة بيقول انه بيحب وعايز يخطب (هايخطب بايه بطوله_ولا بدراسته)

قلتله اشتغل قالى وانا الى هاشتغل ابوية الى يعملى انت فيه ايه انت اتهبلت ولا حاجة أبوك اللى ها.........الخ

والباقي زى حال معظم الشباب بيبحثوا عن الحب وهمة مش اده ولا يقدروا يتحملوا مصاعبه ولا مسؤوليته

ندخل فى الموضوع الاساسى

بعض الناس حياتهم كالاتى

يصحى الصبح يروح مصالحه يرجع يتغذى يقعد مع أهله شوية يقوم ينام يصحى الصبح..... مش هوة دة حال بعض الناس وبعد كدة ها يحصل ايه ها يموت طبعا ها يقابل ربنا بايه ها يقوله إيه أنا عملت إيه

إيه لزمة الحياة بالطريقة دي؟

قلت: سبحان الله … الناس حولت الوسائل إلى مقاصد

يعني ربنا أصلا خلقنا عشان نعبده، وفي نفس الوقت جعل لنا وسائل نعيش بيها منها الدراسة ومنها الشغل ومنها الزواج ومنها الأولاد

لكن تلاقي الناس دلوقتي خلت كل همها الدراسة والشغل

كأن ربنا خلقنا عشان ندرس ونشتغل!!

إيه فايدة الحياة دي من غير هدف أخروي كبير؟

فيه ناس عرفت هدفها الأخروي

فتلاقي الداعية وتلاقي العالم وتلاقي اللي بيتبرع بفلوس لجهات خيرية وتلاقي اللي العبادة مالية عليه حياته وتلاقي المشغول بحل مشاكل الناس وتلاقي وتلاقي …

طيب أنا وانت عملنا إيه ؟

هنقابل ربنا ازى؟ هانقوله إيه؟

ياترى إحنا لينا لازمة في الحياة دي ولا عايشين زيادة على الدنيا؟

ساعات لما بفكر في إحدى الآيات ببقى هتجنن

وهي آية

(ثُمَّ لَتُسْأَلُنَّ يَوْمَئِذٍ عَنِ النَّعِيمِ)

يا الله

هنتسأل عن كل النعيم ده؟

بيت مستقر

عيشة مناسبة

مستوى اجتماعي كويس

كمبيوتر وانترنت

سرير مريح وبطانية بتتغطى بيها وانت نايم

ما قعدش جعان كذا يوم ورا بعض

ثقافة وعقل متفتح

لو قعدت أعد مش هخلص

كل ده هتسأل عنه عملت بيه إيه؟

وازاي استخدمته في طاعة ربنا؟

يا الله

هنقول لربنا إيه؟

يا رب رحمتك

وفي الآخر

يا ترى إيه الهدف الأخروي المحدد اللي أنا عايش عشانه؟

وهل فعلا بسعي في تحقيقه؟

يارب مكنش طولت عليكم

زائر

يسلموووو على الموضوع الحلووو

زائر

merci

زائر

مرسي علي لموضوع الرائع المهم بس لو قلنا اني معظم الشباب الايام دي بنفس وضع صحبك ده فا السبب الحقيقي في عدم اهتمامه باهميه الوقت ونفسيته التعبانه وسوء تفكيره في ترطيب اولاوياته في الحياه وعدم وضع اهداف محدده منها الدنياويه ومنها الدينيه يعمل علي تحقيقها السبب هو ان صحبك ومعظم الشباب انهم بعاد كل البعد عن الدين والمنهج الديني الاسلامي ومعتبرين ان الاسلام ما هو الا صلا وصوم وقرائه قراءن وبس وللاسف لو بيعملو كل هذه الفرود الدينيه مش بيطبقوها في الحياه طول ما احنا بعاد عن الدين هنكون بعاد عن النجاح والرضا عن الذات

زائر

مرسي علي لموضوع الرائع المهم بس لو قلنا اني معظم الشباب الايام دي بنفس وضع صحبك ده فا السبب الحقيقي في عدم اهتمامه باهميه الوقت ونفسيته التعبانه وسوء تفكيره في ترطيب اولاوياته في الحياه وعدم وضع اهداف محدده منها الدنياويه ومنها الدينيه يعمل علي تحقيقها السبب هو ان صحبك ومعظم الشباب انهم بعاد كل البعد عن الدين والمنهج الديني الاسلامي ومعتبرين ان الاسلام ما هو الا صلا وصوم وقرائه قراءن وبس وللاسف لو بيعملو كل هذه الفرود الدينيه مش بيطبقوها في الحياه طول ما احنا بعاد عن الدين هنكون بعاد عن النجاح والرضا عن الذات

زائر

مرسي علي لموضوع الرائع المهم بس لو قلنا اني معظم الشباب الايام دي بنفس وضع صحبك ده فا السبب الحقيقي في عدم اهتمامه باهميه الوقت ونفسيته التعبانه وسوء تفكيره في ترطيب اولاوياته في الحياه وعدم وضع اهداف محدده منها الدنياويه ومنها الدينيه يعمل علي تحقيقها السبب هو ان صحبك ومعظم الشباب انهم بعاد كل البعد عن الدين والمنهج الديني الاسلامي ومعتبرين ان الاسلام ما هو الا صلا وصوم وقرائه قراءن وبس وللاسف لو بيعملو كل هذه الفرود الدينيه مش بيطبقوها في الحياه طول ما احنا بعاد عن الدين هنكون بعاد عن النجاح والرضا عن الذات